星期日晨咁早就起左身(仲早過平時返工), 係完全唔知要做咩既情況下去左灣仔,
食左三支煙, 一塊蛋榚, 一個老Mc無味通粉, 係看台尋找唔存在的人, 出左成頭汗, 結果都係完全唔知做左咩...
原本之後要去海灘, 仲將電單車堂改左星期六, 一早見星期日天氣正到爆...真係興奮到呢..
結果.......無得去...shrug...也罷~ 只怪自己無計劃.
成個腦俾一個人霸住左, 連聽緊咩音樂都知...昏昏沉沉咁搭車返屋企,
去到太和, 行左去租書然後無意識地走左落老Mc, 見島剛起身既Ryan, 有種想鍊死佢既衝動!
返到屋企, 不知不覺間訓鬼左, 然後訓下又起下身, 起下身又訓下
唔同既夢, 唔同既喜怒衰樂, 迷糊間來回現實同夢境...
其中一個夢, 我見島一隻玻璃杯, 因為杯滿左水, 我點努力都無辦法再加水入去,
而杯既主人點都唔肯倒左d水, 我望住杯水不停苦笑~
最後我諗, 好丫你唔肯倒, 我幫你倒左佢! 你唔俾我倒? 你杯水遲早蒸發哂! 蒸發左再加水!? 我係你杯水下面點火煲滾佢!!
訓訓訓, 結果凌晨醒鬼左, 沖左個涼, 好舒服精神狀態爆電~
嗯, 我知道我要做什麼啦~
文章標籤
全站熱搜
