水中天其實係三門仔船灣海中心既一個魚排，用木板搭到成個四合院咁，大約有半個11人足球場咁大，仲有大大個天頂一d都唔怕日哂雨淋。
 
上到去可以燒野食、釣魚、食海鮮、打麻雀、HEA、同埋...........訓 (竟然有尼龍床借你訓...)，最重要係一d都唔多人，唔洗同人迫同霸爐，海風吹埋尼又靜靜地。
 
上一次，三支公燒下野食吹下水講下笑，然後睇住世伯同貓姐每15秒就釣一條魚上尼，係咁怪叫，開開心心HEA下HEA下又一日。超正。
 
結果琴日約左成班人，再向水中天出發。
 
n740855829_1308699_3107n740855829_1308702_5132n740855829_1308720_2471n740855829_1308703_5769
 
晏晝兩點幾，十四個人前後腳到場，一去到就見島有人已經開定左張尼龍床...洗唔洗咁HEA先...
 
一住燒野食，一住釣下魚，一住睇bobo好忙咁幫d女仕解魚，一住吹下水講下笑，一住大HEA特HEA。
 
入左黑，好靜好舒服，睇住個海同天傾下計，好有退休生活feel...然後食左餐海鮮，竟然出乎意料咁OK，相信.....好快又會再去
 
相片0172相片0173
有個傻人竟然話尼堆野好靚....Oh....holy Shit....
 
相片0175相片0177相片0176相片0178
究竟我地釣左幾多魚呢....唔計丟返落海既BB魚，同埋之前逃走果一籃魚..有人話有百幾條...然後有人打返屋企話釣左二百幾條...然後我話咁一定係三百幾條...波波最後就話一定過千條...即係幾多條....已經成為一個謎....
 
相片0179相片0180
伯母同Sally 媽最後表演即場劏魚，大家即刻自動自覺擔哂登仔圍埋去，女既依娃鬼叫，男既哈哈大笑，十足廟街睇表演一樣。
 
相片0182
傻人又話尼個招牌好靚....=..=
 
 
(繼續閱讀...)
文章標籤

CHEUNG RICK 發表在 痞客邦 留言(3) 人氣(970)