尋日心血來潮..終於買左佢返尼
而家污糟哂~
因為琴日同佢玩左個幾鐘, 今日返到屋企, 連飯都唔食, 又帶住佢沖左落街, 又玩左兩個鐘.
太耐無同佢玩..反應、感覺、體能、技術都差左好很多.
射波無左準成同勁度, 差d唔識帶波, 傳波成日唔知去左邊...
然後不斷用盡全力, 不斷快速來回奔跑, 心好似就尼要係個口跳出尼咁, 全身濕透.
最後似乎有所改善..不過我無力啦...
好懷念尼種感覺, 很好很好既感覺.
一路散步回家, 強烈覺得心肺都弱左太多.
好想有番以前既體能, 好想戒煙.
自細就好鐘意踢波, 最早既記憶, 應該係3,4歲時
係九龍公園睇住老豆唔知踢個咩比賽, 拎左個季軍..
佢隊人一星期總有一次去佐治公園鬥波, 係佢鋪頭發呆既我自然都俾佢帶埋去...
久而久之.......我都變埋波牛.....
記得中四初到新校, 氣氛好差, 成班仔好似仇人咁, 你小我我打你
然後一場波, 成班fan 哂
當人人食lunch, 我地就飯都唔食, 拎住個波就去癲
會考寒假補堂, 我堂都唔上, 一個人就係樓下個場向住個籠狂轟
阿公生日都唔到..又係去左練波...
我好鐘意踢波, 至憎跑步, 就係鐘意係球場跑...
Plan 緊去完旅行番尼, 一星期要有兩日踢波!
文章標籤
全站熱搜
